Видео: Џоли се расплака на прес

Видно исрпена, Анџелина Џоли емотивно реагираше на конференцијата за новинари во Лондон откако се обиде да објасни колку и било тешко да игра во филмот The Changeling толку брзо по мајчината смрт.

Нејзината мајка Маршелин Бертранд умре во јануари 2007, а Џоли кратко потоа мораше да почне со снимањето на филмот The Changeling.

Борејќи се со солзите Џоли на конференцијата за новинари се потсети на својата мајка.


„Знаете, таа се викаше Маршелин, но сите ја викавме Маршмелоу бидејќи беше најнежната жена на светот. Никогаш не се лутеше и не можеше да опцуе ниту за тоа да и зависи животот. Но, кога се работеше за нејзините деца, стануваше многу жестока“, раскажа Џоли.

Покрај тоа што емотивно реагираше за својата мајка, Џоли го пофали и режисерот на филмот, легендарниот Клинт Иствуд за кој рече дека е „навистина добар човек, еден од оние многу праведни, силни лидери“.

Погледнете: