Најпознатото глувче на светот Мики Маус денеска го слави 80 роденден. Глувчето кое требаше да се вика Мортимер, стана најпознатиот лик на најголемата ’цртана империја’ Волт Дизни.
Своето деби го имаше во цртаниот филм „Парабродот Вили“, во далечната 1928 година, за набргу потоа да стане икона на Дизниевата империја, која и денес е омилена фабрика за забава на децата.
Волт Дизни, своевремено, призна дека најголемата заслуга за „Светот на Дизни“ ја има токму ова мало, симпатично глувче.
„Со години учествуваме во авантурите. Се надевам дека никогаш нема да заборавиме дека се, всушност, започна од едно глувче“, изјави своевремено Дизни.
Дизни инспирација за ликот најде во вистинско глувче кое живеело со него во студиото во Канзас Сите во кое настанаа и првите анимирани филмови.
Мики Маус „оживеа“ на 18 ноември 1928 година во цртаниот филм на Дизни „Параброд Вили“, што воедно беше и првиот цртан филм што имал тон. Мики е прв од цртаните ликови на кој Волт Дизни му го позајми гласот, а во 1935 година за прв пат се појави и во колор.
Првото име на Мики требало да биде
Мортимер, но сопругата на Волт Дизни,
Лилиен сметала дека тоа име е премногу помпезно и го предложи името кое сега е планетарно познато. Цртаниот лик Мортимер се појави во 1936 година како соперник на Мики кој се обидува да ја придобие наклоноста од девојката на Мики,
Мини.
18.11.2008
Како што објави Меѓународниот фудбалски институт за статистика, англискиот и европски шампион е најдобриот фудбалски клуб во 2008 година.
