Со мали чекори до здраво срце!

Болестите на срцето и крвните садови се меѓу водечките причини за смрт, а зголемениот холестерол, пушењето, недостигот на телесна активност, зголемениот крвен притисок и стресот, се најчестите ризични фактори за болести на срцето и крвните садови.

На нив можеме да влијааме и сами, но за жал, повеќето луѓе не преземаат ништо, или ги менуваат навиките само кога болеста ќе чукне на порта.

Сосема е погрешно е да се тешите со вообичаеното размислување дека сите живееме под стрес, лошо се храниме и дека со годините се дебелееме, а сепак не умираме сите од инфаркт.


Статистичките податоци без сомнение говорат дека значително помалку се загрозени повитките и посреќни, оние кои што вежбааат, здраво се хранат и уживаат во животот.

Затоа, малите чекори кои можеме да ги направиме за здравјето на срцето воедно може да бидат и чекори кон среќниот, поубав и поквалитетен живот.


Променете ги прехранбените навики: За здраво срце важно е да јадете редовно, а ритамот на внесувањето на калории да го прилагодите со ритамот на потрошувачка. Зголемете го внесувањето на овошје и зеленчук, не се ограничувајте само со одреден вид на овошје и зеленчук на кои што веќе сте се навикнале.

Распоредете ја дневната количина на храната на најмалку пет помали оброци. ’Лошите’ маснотии заменете ги со маслиново масло и останатите маснотии од растително потекло (мешункасти плодови, семиња).


Јадете што повеќе интегрални житарки и зрнести плодови, како и разновидни белковини – намалете со свинското и говедското месо, а повеќе јадете риба, морски плодови, бело пилешко месо. Не ги исфрлајте млечните производи, само јадете ги оние со помалку маснотии и што помалку користете сол.


Проверете дали пиете доволно вода: Возрасен човек при умерени активности потребно е да внесува околу 8 чаши вода дневно, а во период на зголемено потење и повеќе. Не заборавајте дека од кафето, иако е течност, всушност се дехидрира.


Престанете со пушењето и намалете со алкохолот. Моментално климата во општеството е совршена за престанување со пушењето, па ете ви дополнителна мотивација. Алкохолот е прифатлив само ако не пиете редовно, и доколку количината не преминува две чаши.


Уживајте во животот и што почесто правете го сето она што ве прави развеселува и ве исполнува со задоволство, гордост и останатите позитивни емоции. Истражувањата покажаа дека најздрави луѓе се оние кои се задоволни од животот. Љубовта и редовните сексуални односи секако дека се многу важни.


Сериозно поработете на стресот! Стресот е здрава, нормална реакција на опасност, па е невозможно да се елиминира. Но, прекумерниот стрес е штетен. Често пати се помируваме со него, мислејќи дека не може ништо да се направи.

Сепак, многу работи можат да се направат само со промената на ставовите и приоритетите, и со вистинската проценка што е навистина важно во животот, како и совладување на техниките за опуштање.


Редовно вежбајте или движете се повеќе. Што повеќе се движите, поголеми се благотворните ефекти кои се отчитуваат низ физичкото и психичкото здравје, емоционалното задоволство, зголемување на квалитетниот сон. Со помалку од половина час одење не смее да ви помине ниту еден ден.


За здраво срце, потребни ви се и аеробни активности (оние што го забрзуваат пулсот, дишењето, како и оние од кои се потите). Такви тренинзи треба да практикувате 2 до 3 пати неделно по дваесетина минути. По телесните активности ќе се чувствувате посилно и полетно, и ќе имате поголема енергија.