Погледнете ги првите роботски нозе

Хонда разви нов роботски уред кој би требало да го олесни качувањето по скали на постарите лица, но и да им ја олесни работата на работниците во фабриките и складиштата. Видео!

Роботскиот уред е тежок 6.5 килограми, а го сочинуваат два основни елементи, „седиште“ и „чевли“. Тие се поврзани со еластичен егзоскелет кој при одење или качување по скали презема дел од товарот на себе.


Користењето на уредот е крајно едноставно. Седејќи на седиштето, корисникот ги мрда стапалата кои ги активираат вградените сензори и се мрдаат и вештачките нозе. Користењето го намалува стресот, а едноставно е како возење велосипед.

Хонда развива технологија за помош во движењето на постарите и немоќни лица од 1999 година, а уредот е развиен благодарејќи на богатото искуство и знаење од роботскиот проект АСИМО.


Уредот има компјутер, мотор, менувач, батерии и сензори. Батериите се литиум јонски, а со едно полнење можете да одите два часа.

Од јапонската компанија објавија и дека оваа технологија е се уште во експериментална фаза, а ќе се тестира во фабриките на Хонда. Цената се уште не е позната, а најавено е дека во април 2009 ќе почне да се пласира на пазарот.