Џвакањето на мастика, непожелно во училниците, предавалните и на семинарите има благотворно дејство на долготрајното и краткотрајното помнење. Зошто? Никој врска нема!
Годишно во светот се трошат дури 100.000 тони гуми за џвакање. Некои од нив служат како замена за зависноста од цигари, другите ги чистат забите, а изгледа и дека поволно влијаат на меморијата како и во намалувањето на стресот.
Австралиските научници, всушност открија дека гумите за џвакање имаат влијание врз физичката и психичката состојба. Имено, една гума за џвакање позитивно влијае на помнењето и може да ја подобри краткотрајната и долготрајната меморија дури за 25 %.
Тимот на професорот
Ендрју Скули од универзитетот во Мелбурн, откри дека џвакањето на мастиките може да го намали стресот и нервозата и да ја зголеми будноста.
Научниците истражувањето го спроведоа на 75 волонтери, кои што биле поделени во три групи. Едната група добила задача да џвака мастика, другата да се преправа дека џвака, а третата да седи мирно.
Испитаниците потоа требало да запамтат што повеќе зборови кои што им се појавувале на екранот. Интересно е дека оние кои што џвакале запамтиле 25 % повеќе зборови за разлика од другите групи.
Всушност, џвакањето, како што тврдат научниците го забрзува чукањето на срцето и ја подобрува циркулацијата на крвта, што доведува до повеќе кислород во мозокот, кој тогаш работи побрзо.
Гумата за џвакање исто така го стимулира производството на инсулин и го снабдува мозокот со шеќер, кој е важен фактор во процесот на памтењето.
5.11.2008
Како што објави Меѓународниот фудбалски институт за статистика, англискиот и европски шампион е најдобриот фудбалски клуб во 2008 година.
