Калифорниските научници направија софтвер со чија помош можат да направат дупликат на клуч од исклучително лоша фотографија и предупредуваат дека провалничките банди наскоро би можеле да развијат слична програма.
Клучевите на куќата или станот можат да се направат со помош на фотографија што не мора да биде со добар квалитет и може да биде снимена од голема оддалеченост.
Иако програмата за изработка на клучеви од фотографија е развиена на универзитетот Калифорнија во Сан Диего, екипата која работеше на него смета дека крадците кои се разбираат во технологија би можеле без поголеми проблеми да развијат сопствен софтвер.
Стефан Севиџ, професор кој учествуваше во овој проект, вели дека луѓето би требало да ги третираат клучевите како кредитни картички – да ги држат скриени од очите на јавноста и треба да бидат претпазливи при прикачувањето на лични фотографии на интернет и да водат сметка на нив да нема клучеви.
Добрите клучари веќе некое време можат да направат клуч врз основа на фотографија, а со помош на новиот софтвер, таа вештина би можеле да ја совладаат и бројни криминалци.
5.11.2008
Како што објави Меѓународниот фудбалски институт за статистика, англискиот и европски шампион е најдобриот фудбалски клуб во 2008 година.
