Еве зошто ќе ни недостасува Буш!

Џорџ В. Буш девет години беше на чело на САД, а за тоа време, нанижа завидна количина на „бушизми“ - бесмислени изјави кои го забавуваа цел свет. Додека беше на лидерската позиција во САД, беше овековечен и на голем број несериозни фотографии.

Буш своевремено изјави дека не сака другите да му ги ставаат зборовите во уста, освен ако тој сам тоа не го каже.


Претседателот на САД во заминување за своите придонеси во блискоисточниот мировен процес, рече дека кога треба тој може да притисне, а кога е потребно и да држи некого за рака.

„Слушнав дека некој праша каде е Нелсон Мендела? Па Мендела е мртов, бидејќи Садам ги уби сите Мандели“, рече Буш за поранешниот претседател на Јужноафриканската република, кој се уште е здрав и жив.


Буш честопати забораваше каде се наоѓа, па австралиските трупи ги замени со австриски, самитот на Апек со Опек, а Словенија со Словачка. Во аа прилика не знаеше ни да го пронајде излезот од собата во која беше со австралиските колеги.


Дека политиката не е негова единствена сфера на интерес, покажа занимавајќи се со хемисферата. Изјави дека е благодарен бидејќи и неговиот брат Џеб истотака е загрижен за хемисферата. Буш заклучи дека природниот гас е хемисферичен. Додаде дека сака да го вика хемисферичен по природа зошто тоа е производ кој може да се најде во соседството.


Се занимаваше и со објаснувања на нацијата за важноста на животот, и тоа не само животот на бебињата, туку и на децата кои живеат во темните зандани на интернетот. Буш тврди дека знае оти човечко суштество и риба можат мирно да коегзистираат.


Еве дел од неговите славни цитати:

„Амерканците во Ирак ги дочека добредојде, само не мирно добредојде“.

„Поминуваме многу време разговарајќи за Африка, што така и треба. Африка е нација која боледува од неверојатна болест“.


„Често ме прашуваат зошто САД се грижи за тоа што луѓето умираат од маларија во места како Гана. Значи многу, значи многу морално, значи многу од...тоа е во нашиот нацинален интерес“.

„Двајцата користиме паста Колгејт“ (одговори Буш на прашањето што има заедничко тогашниот британски премиер Тони Блер)


„Видете јас не морам да објаснувам зошто го зборувам, она што го зборувам. Тоа е интересна работа кога си претседател„.

„Овде сум за да ве известам дека овој четврток шалтерите и авионите ќе одлетаат од аеродромот Роналд Реган“.


„Потребен ни е закон за енергија, кој ќе ја поттикнува нејзината потрошувачка“

„А имате ли и вие црнци?“ – го праша Буш бразилскиот претседател Фернандо Кардосо.


„Го имам Божјото рамо за плачење. И многу плачам. Многу плачам на оваа работа. Се обложувам дека како претседател сум излеал многу повеќе солзи, отколку што вие можете да изброите“.

„Јас не сум аналитичен. Не минувам многу време размислувајќи за себе и зошто правам некои работи“.


„Нашата најважна работа е да го најдеме Осама бин Ладен. Тоа ни е најважен приоритет и нема да мируваме додека не го најдеме“.

„Не знам каде е Бин Ладен. Немам поим и не ми е гајле. Тоа не е важно. Тоа не е наш приоритет“.


„Најдовме оружје за масовно уништување. Најдовме лабораторија и ќе најдеме уште оружје. Оние кои мислат дека не сме нашле оружје, се лажат. Најдовме оружје, а не како што мислат другите. Оружјето за масовно уништување мора да е тука некаде“.


„Видете во мојата работа мора постојано да повторувате работи за вистината да потоне на дно, за некако даја катапултирате пропагандата“.