Јерг Хајдер загина во сообраќајна несреќа

Јерг Хајдер, лидерот на ултрадесничарскиот Сојуз за иднина на Австрија и гувернер на австриската покраина Корушка загина утрово во сообраќајна несреќа. Видео!

„Гувернерот на Корушка и претседател на Сојузот за иднина на Австрија, Јерг Хајдер почина од повреди здобиени во автомобилската несреќа што се случи рано утрото во Клагенфурт“, јавија медиумите пренесувајќи го соопштениието од полицијата.

Според првичните информации, Хајдер (58) сам управувал со автомобилот на југот од главниот град на Корушка, кога од засега непознати причини излетал од патот.

Хајдер се здобил со тешки повреди на главата и градите, кои биле кобни за неговиот живот.



Хајдер е 30 години активен во политичкиот живот во Австрија. Во средината на 80-те, стана лидер на ултра десната Партијата на Слободата, а во 1991, неговиот мандат како гувернер на Корушка беше прекинат откако јавно ја пофали трудовата политика на нацистичка Германија. И покрај тоа, Хајдер повторно беше избран на оваа функција во 1999 и 2003.

Во 2005, ја напушти Партијата на слободата и го основа Сојузот за иднина на Австрија, која на неодамнешните избори ги постигна најдобрите резултати во своето постоење, односно 10.7 посто од гласовите и беше најавена ултра десна влада.