Шпанскиот репрезентативец призна дека можеби ќе си замине од клубот доколку Арсенал оваа сезона не успее да освои ниту еден трофеј.
Арсенал веќе три сезони нема освоено ништо, а коментарите на
Фабрегас дополнително ќе го загрижат
Арсен Венгер.
„Сега во Арсенал ми е супер, но не можам да речам дека не сакам да одам во Барса. Тоа ќе биде остварување на мојот сон“, изјави Шпанецот за магазинот Metro.
„Одлучив да останам овде и оваа сезона, па сега сум концентриран само на освојувањето трофеи. Сепак, ќе видиме како ќе оди. Барса игра напаѓачки фудбал и ми беше задоволство да ги гледам кога го победија Атлетико со 6:1. Среќен сум поради тоа што таму играат фудбалери кои започнаа во нивната младинска школа, таму каде што започнав и јас“,
Фабрегас исто така призна дека му недостасува играњето со
Александр Хлеб, кој си замина од Емирати минатото лето и сега ги брани боите токму на каталонскиот гигант.
„Секоја недела зборувам со Хлеб затоа што навистина ми недостасува во Арсенал. Тој е голем пријател и би сакал повторно да играм со него“.
Тој исто така ја пофали и играта на белорускиот интернационалец: „Хлеб секогаш те бара за да ти ја додаде топката. Ако му ја дадеш топката, знаеш дека ќе ти ја врати токму кога тоа ќе биде најпотребно. Играњето фудбал со него е многу полесно“.
8.10.2008
Како што објави Меѓународниот фудбалски институт за статистика, англискиот и европски шампион е најдобриот фудбалски клуб во 2008 година.
