Корејската компанија TriView. Co. Limited денеска најави изградба на двокатна фабричка хала во економската зона Бунарџик крај Скопје, во која ќе се произведуваат ЛЦД телевизори.
Меморандумот од македонска страна го потпиша
Никола Груевски, додека компанијата со седиште во Сеул ја претставуваше заменик-претседателот
Џон Шен.
Веднаш по потпишувањето на меморандумот премиерот Груевски истакна дека оваа компанија има намера на пролет следната година да започне со изградба на фабрика во технолошко индустриската зона Бунарџик.
Вкупната инвестиција е проценета на четири милиони евра, а фабриката треба да биде пуштена кон крајот на идната година.
Се предвидува во новата фабрика да се произведуваат 60.000 телевизори од марката HAYER годишно, во вкупна вредност од 40 милиони долари кои ќе бидат наменети за европскиот пазар.
„Одличен инвестициски пакет понуди владата. Кога ќе одам во Кореја ќе извршам целосни испитувања и се надевам дека резултатите ќе бидат добар проект“, изјави Џон Шен, заменик претседателот на фирмата.
Инаку седиштето на компанија TriView е во Сеул, главниот град на Јужна Кореја.
7.10.2008
Како што објави Меѓународниот фудбалски институт за статистика, англискиот и европски шампион е најдобриот фудбалски клуб во 2008 година.
