Хуанде Рамос: Не размислувам за оставка

Менаџерот на Тотенхем вели дека нема намера да го напушти сегашниот клуб, иако Спарси се соочуваат со најлошиот старт на сезоната во последните 100 години.

„Ова е мојата работа. Јас ќе ја работам еднакво, без оглед дали губиме или победуваме. Било каква одлука за мојата иднина не зависи од мене, но јас сум одлучен во намерата да го вратам тимот на правиот пат. Мораме да почнеме со погодоците, а тоа засега ни оди тешко, едноставно не можеме да го погодиме противничкиот гол. Но, ако продолжиме да играме како против Хал можеме да ја промениме ситуацијата. Сакавме да победиме, игравме да победиме и мислам дека доколку играме и понатаму слично, ќе можеме да се качиме во горниот дел од табелата“, изјави Хуанде Рамос.

Поразот од Хал го остави Тотенхем на дното од табелата со само два освоени бодови, а англиските медиуми нагаѓаат дека Рамос има уште три дена да ја промени ситуацијата на подобро, пред да биде заменет од друг тренер.