Фудбалерите на Севиља го декласираа Атлетик Билбао со 4:0, додека екипата на Спортинг Хихон ги забележа првите бодови во оваа сезона.
На стадионот Рамон Санчес Пишуан
Севиља лесно излезе на крај со Билбао.
Кануте во 26 минута го отвори резултатот, а
Ренато во 40 минута веќе го реши победникот. Во последните 15 минути
Адриано и
Шевантон само се погрижија за триумфот на домашните да биде уште поубедлив.
Хуан Валера во 90 минута го постигна одлучувачкиот гол за Расинг, а на победата на тимот од Сантандер влијаеше и исклучувањето на
Плашил во 39 минута, поради што Осасуна го заврши натпреварот со десет фудбалери.
Спортинг Хихон најпосле дојде до првите бодови. За триумфот во Мајорка заслужни се
Кармело и
Суарес кои со своите голови го поместија Спортинг од мртвата точка. Сега последен е Бетис со 2 бодови.
Чико и
Негредо во 87 и 90 минута го нокаутираа Гетафе, а Алмерија извлече еден бод. Претходно
Уче и
Каскеро ги постигнаа головите за домашниот тим.
Депортиво со голот на
Лафита ја совлада Нумансија со 1:0, додека
Мануел Фернандес со својот гол во 54 минута против Ваљадолид и донесе
нова победа на Валенсија која и понатаму останува непоразена и лидер во Примера дивизијата.
Во последниот натпревар од колото кој можевте во живо да го проследите на Таратур,
Реал Мадрид и Еспањол одиграа нерешено 2:2. Иако гостите на два пати водеа со головите на
Тамудо и
Луис Гарсија, тука беше капитенот
Раул кој на два пати ја погоди противничката мрежа и е најзаслужниот играч за освоениот бод на мадриѓаните.
6.10.2008
Како што објави Меѓународниот фудбалски институт за статистика, англискиот и европски шампион е најдобриот фудбалски клуб во 2008 година.
