Британките имаат поголеми гради од кога и да е порано, покажа истражувањето на модниот џин Дебенхамс. Со други зборови, тамошните жени купуваат се поголеми градници.
Големината на женските гради се менува со годините, со бременоста и здебелувањето. Општо познато е дека во последниве декади е променета и женската фигура и дека жените денеска имаат поголеми гради и поширок струк.
Но, да бидеме реални, на ваквиот тренд последните години влијаат и се попопуларните пластични операции.
Софи Хауард, Мишел Марш и Луси Пиндер - горди сопственички на големи британски гради
Истражувањето на Дебенхамс потврди дека жените се повеќе бараат градници со големина G и поголема, а просечниот број на градници е поголем за еден цел број отколку пред само пет години.
Просекот од бројот 34 C се зголеми на бројот 36 D, a се повеќе жени бараат корпи со големина G, H па дури и J. Корпите со големина D денес изнесуваат околу 63 % од вкупната продажба на градници во овој ланец на модна облека.
Минатата година, слична анкета спроведе познатиот производител на долна облека Триумф, а резултатите покажаа дека најголеми гради имаат Британките, а по нив следат и Данките и Холанѓанките. Најмали гради имаат Италијанките, додека Швеѓанките и Швајцарките предничат во процентот на жени кои носат најмал број на градник.
5.10.2008
Како што објави Меѓународниот фудбалски институт за статистика, англискиот и европски шампион е најдобриот фудбалски клуб во 2008 година.
