Напаѓачот на Челзи се здоби со потешка повреда на коленото во натпреварот од Лигата на шампионите против романски Клуж (0:0).
Дрогба на почетокот од второто полувреме се судри со еден противнички фудбалер по што мораше да ја напушти играта.
Според последните информации фудбалерот ги истегнал лигаментите и би можел да остане надвор од терените и до три месеци.
Листата со повредени играчи по враќањето од Романија е зголемена за
Џо Кол, Ешли Кол, Џон Тери Алекс и Дидиер Дрогба, додека
Микаел Есиен,
Рикардо Карваљо и
Деко веќе беа на листата на повредени уште од пред тоа.
Фелипе Сколари навистина нема да има голем избор за мечот со Астон Вила овој викенд.
„Имам четири дена да го направам тимот за недела. Можеби ситуацијата ке се подобри во следните неколку денови. Во овие моменти немам идеја што да правам“, изјави Сколари за The Sun.
Сепак, ова е најголем шок за Дрогба затоа што несреќниот напаѓач на Челзи тукушто се опорави од претходната повреда, а ќе мора повторно да паузира.
3.10.2008
Како што објави Меѓународниот фудбалски институт за статистика, англискиот и европски шампион е најдобриот фудбалски клуб во 2008 година.
