Романскиот клуб денес направи ново изненадување во Лигата на шампионите откако на свој терен остана непоразен од еден од најголемите фаворити за освојување на натпреварувањето - Челзи.
И по второто коло малите екипи се хит во Лигата на шампионите, а покрај сјајниот Анортозис за сега најмногу внимание привлекува романскиот Клуж кој и по две кола во натпревари против великани како Рома и Челзи остана непоразен. И додека во Рим романскиот претставник победи со 2:1, во до сега најголемиот натпревар на домашен терен од основањето на овој клуб, го пречека Челзи и успеа да извлече бод од тешкиот натпревар.
Самиот наптревар на Др. Константин Радулеску стадионот не ни донесе многу возбудувања. Клуж беше доминантен во првото полувреме кога се закануваше преку
Еуген Трица и
Алваро Переира, додека тимот од Стенфорд Бриџ во продолжението возврати преку
Саломон Калу. Овој натпревар го одбележа и повредата на
Дидие Дрогба кој го напушти теренот во второто полувреме.
Многу повеќе возбудувања ни донесе вториот меч од оваа група во кој Рома со резултат 3:1 славеше на гостувањето кај Бордо.
Иако домашните поведоа преку голот
Јохан Гуркуф во 18 минута, на нив негативно влијаеше црвениот картон на
Карлос Енрике кој беше исклучен уште во 36 минута од натпреварот. Играчот повеќе Волчицата го искористи во последните 30 минути кога прво на 1:1 израмни
Мирко Вучиниќ, а
победата на Римјаните им ја донесе
Жулио Баптиста.
2.10.2008
Како што објави Меѓународниот фудбалски институт за статистика, англискиот и европски шампион е најдобриот фудбалски клуб во 2008 година.
