За тоа се зборува со децении, но д-р Николас Периконе сега одговорно тврди: стареењето е болест и може да се излечи. Лекарот чии клиентки се Џулија Робертс, Ума Труман и Кејт Бланшет, предлага нов делотворен метод против стареењето.
Д-р
Николас Периконе има сосема различен медицински пристап од своите колеги дерматолози. Додека повеќето од нив последиците од стареењето ги гледаат како неизбежен процес во животниот циклус, д-р Периконе верува дека стареењето е болест, па така може и да се излечи.
Периконе не тврди дека го поседува еликсирот на младоста, туку дека може да го сопре процесот на стареење. Во тоа ги има уверено и своите VIP клиенти,
Кејт Бланшет, Ким Катрал, Ума Труман и Џулија Робертс.
Прв пат д-р Периконе се појави на насловните страни на светските магазини кога ја објави книгата ,,The Wrinkle Cure and The Perricone Prescription″ во која утврдува дека со исхрана која вклучува протеинска храна, лосос и разна зрнеста храна, може да се постигне млад изглед и тоа само за три дена.
Таква диета богата со есенцијални киселини и антиоксиданти е еден од клучните елементи на Периконовиот пристап. Останатите два принципи се додатоци во исхраната, силни антиоксиданти и темелна нега на кожата.
Периконе не застанал само на тоа. По осумте објавени книги и бројните истражувања, продолжи да работи на истражувањето на процесот на стареењето.
„Со годините ја губиме мускулната маса како и поткожното ткиво, поради што кожата ја губи еластичноста, а ние се свиткуваме. Така што, стареењето не е многу важно за брчките, тие се само нус појава, колку што е важно губењето на ткивото“, вели д-р Периконе.
Многу лекари, естетски хирурзи и дерматолози, решение наоѓаат во инекции од ботокс, како превентива од стареење. Но таквите постапки се поврзани и со финансиите – скапи се и краткотрајни.
„Мислам дека луѓето треба да го употребуваат својот разум. Всушност, кога во лицето ви ставаат ботокс или некој препарат, вие нема да имате брчки, но ќе го растегнете лицето и нема да изгледате помлади. Само ќе бидете без брчки, додека вашето лице и понатаму ќе биде опуштено и старо. Постојат и други начини“, вели докторот.
А другиот начин е Периконовиот последен мастер план –пристап во четири чекори, кои ќе ви го подари изгледот кој го сакате и тоа без игли или хируршки нож. Станува збор за диетална програма, стимулација на мускулите, ласерска терапија и правилна нега на кожата.
И што е најважно - целиот процес трае од 8 до 12 недели, а резултатот е 10 години млад изглед.
30.09.2008
Како што објави Меѓународниот фудбалски институт за статистика, англискиот и европски шампион е најдобриот фудбалски клуб во 2008 година.
