Еминем сигурно се враќа

Маршал Матерс, или попознат во светот како Еминем, конечно излезе во јавност и призна дека работи на новиот материјал, кој Фифти Сент го најавува како нешто најдобро што може да се чуе.

Веќе неколку блиски соработници го најавија неговото враќање со нов албум, кој ќе биде прв по компилацијата на хитови Curtain Call од 2005 година, а сега ова го потврди и самиот Еминем.

На својата радио станица Shade 45, Еминем откри дека го финализира материјалот за шестиот студиски албум. Претходно, пред неколку дена неговото враќање го најави и Фифти Сент.


„Кога ќе се врати, сигурно ќе го заземе местото рап уметник број еден. Имав прилика да го чујам материјалот пред да излезе и апсолутно сум сигурен дека е подобар од се што може моментално да се чуе“, рече Фифти Сент.