Ким Петрас е најмладата личност на светот која се подложи на промена на полот. Оваа денес 16-годишна девојка, се одлучи со својата музика да ја промени сликата која за неа ја имаат повеќето луѓе.
Девојката, за која се верува дека е најмладата личност на светот која го сменила полот, по неколку години заради физичките промени, е на пат да стане поп ѕвезда.
Германката
Ким Петрас, родена како Тим, почнала со хормонски третмани уште на 12-годишна возраст. Сега, како 16 годишна девојка, Ким е подготвена да ги освои музичките топ листи со својот нов сингл.
Германската тинејџерка поминала низ страшен период на потсмев и малтретирање од страна на врсниците, а откако нејзината месна стана хит на МајСпејс и ЈуТјуб, потпиша договор за снимање на албум.
„Мојата музика ми е најважна во овој миг. Тоа е најдобар начин да се изразам. Знам дека луѓето моето минато секогаш ќе го наведуваат како тема, од тоа не можам да побегнам, но се надевам дека еден ден ќе бидам попозната по музиката отколку по минатото“, вели Ким која денес официјално е регистрирана како жена.
Ким е прогласена за транссексуалка пред четири години. Докторите и психијатрите по нејзиното тврдење дека е „заробена во погрешно тело“ заклучиле дека и е неопходна терапија.
Третманот вклучувал вештачко запирање на периодот на машкиот пубертет со вбризгување на цела серија хормонски инјекции. Потоа започнал процесот на прифаќање на женските хормони во нејзиниот организам, а со тоа и почетната трансформација во жена.
Kim Petras 19.09.2008
Како што објави Меѓународниот фудбалски институт за статистика, англискиот и европски шампион е најдобриот фудбалски клуб во 2008 година.
