Видео: Хамилтон казнет, Маса победник

На Луис Хамилтон му е одземена победата на трката за Големата награда на Белгија, по што тој се најде на третото место, а десетте бодови му припаднаа на Бразилецот Фелипе Маса.

Во трката со неверојатен број пресврти Хамилтон ја искористи грешката на Финецот Кими Раиконен, кој водеше се до последниот круг, а набрзо по губењето на водечката позиција, тој излета во обид повторно да го престигне младиот Британец.

Втор заврши Фелипе Маса, а трет Ник Хајдфилд, кој во последниот круг извози навистина маестрално и од седмото се најде на третото место.

Сепак, тоа не беше крај на драмата, Маса отпосле беше прогласен за победник и така дојде на само чекор од Хамилтон во генералниот пласман на возачи. Бразилецот сега има само 2 бодови помалку од лидерот, трет е Кубица со 8 бодови заостанување, а четвртиот Раиконен има дури 19 бодови помалку.

Ферари сеуште се наоѓа на конструкторскиот врв со 131 бодови, пред Мекларен Мерцедес кој има 119 и БМВ со 107.

Погледнете го најинтересниот дел од трката каде Раиконен и Хамилтон се престигнуваа, по што Финецот заврши во оградата.


Филип Крстевски/Таратур