Хамилтон стартува прв во Белгија

Водечкиот возач во вкупниот поредок на Форумула 1 се избори за првото место на утрешната трка за Големата награда на Белгија, која ќе се вози на познатата патека Спа.

Хамилтон во првите два круга од квалификациите беше на самиот врв, но не успеа да оствари и најбрзо време. Во првиот круг најбрз беше Французинот Себастиен Бурдаис со Торо Росо, а во вториот беше колегата на Хамилтон Финецот Хеики Ковалаинен.

Британецот беше најдобар кога беше најпотребно. Во последниот, трет круг од квалификациите, тој беше најбрз со време од 1:47:338. Веднаш до него ќе стартува Бразилецот Фелипе Маса во Ферари, кој извози за само 0,34 секунди помалку.

Од вториот ред ќе стартуваат Ковалаинен и актуелниот шампион Кими Раиконен.

Стартен поредок за Големата награда на Белгија:

1: Луис Хамилтон - Мекларен Мерцедес
2: Фелипе Маса - Ферари
3: Хеики Ковалаинен - Мекларен Мерцедес
4: Кими Раиконен - Ферари
5: Ник Хајдфилд - БМВ
6: Фернандо Алонсо - Рено
7: Марк Вебер - Ред Бул
8: Роберт Кубица - БМВ
9: Себастиен Бурдаис - Торо Росо
10. Себастијан Ветел - Торо Росо
11: Јарно Трули - Тојота
12: Нелсон Пике - Рено
13: Тимо Глок - Тојота
14: Дејвид Култхард - Ред Бул
15: Нико Розберг - Вилијамс
16: Рубенс Баричело - Хонда
17: Џенсон Батон - Хонда
18: Адриан Сутил - Форс Индија
19: Казуки Накајима - Вилијамс
20: Џанкарло Физикела - Форс Индија

Филип Крстевски/Таратур