40-годишна тајна: американските цигари содржат полониум

Во сите американски цигари има полониум 210, радиоактивниот хемиски елемент со кој беше отруен поранешниот агент на КГБ Александар Литвиненко.

Шокантното откритие американските научници го објавија во најновиот број од магазинот American Journal of Public Health.

Истражувањето кое го водела д-р Моника Е. Магли од познатата клинија Мајо, вклучива проучување на над 1500 документи во кои детално се опишани обидите на тутунската индустрија полониумот 210 да се отстрани од тутунот.


Но, сите обиди на „перење“ на листот тутун биле неуспешни, а информацијата дека цигарите содржат полониум се држени во тајност над 40 години, за да не опадне продажбата на цигари.

Полониумот во тутунот доаѓа од вештачките фосфатни ѓубрива кои се користат за да се зголеми растот на тутунот и да се подобри неговиот вкус. Колку што е поголемо нивото на фосфати во ѓубривата, толку поголема е и концентрацијата на полониум.

„За тутунот да биде со добар вкус, мора да се смали присуството на азот, а ова се постигнува со високофосфатно ѓубриво. Колку е поголемо нивото на фосфати во ѓубривото, толку е поголема и концентрацијата на полониумот 210 во листовите на тутунот“, објаснуваат авторите.