Коалицијата “За подобра Македонија“, предводена од ВМРО - ДПМНЕ освои 63 пратенички места, коалицијата “Сонце“ предводена од СДСМ освои 27, ДУИ 18, ДПА 11 и ПЕИ едно пратеничко место, соопшти денеска претседателот на Државната изборна комисија, Јован Јосифовски.
За овие првичните резултати до сега никој од подносителите на листа нема поднесено приговор, а за конечни резултатите ќе се сметаат по завршетокот на жалбениот процес.
Ваквиот распоред на мандати, им овозможи уште две пратенички места на ДУИ и едно на ДПА. Во собранието влегувааат Фети Јунизи од ДУИ од првата изборна единица, Јулиета Марку од ДУИ од 6 ИЕ и од ДПА Даут Реџепи Лека од шестата изборна единица.
Претседателот на ДИК повторното прегласување, освен на двете избирачки места каде што имеше, како што рече помали инциденти, го оцени како демократско.
Инаку, досега ниту една партија нема поднесено финансиски извештај за тоа колку пари потрошиле за изборната кампања.
Јосифовски напомена дека рокот за доставување на финансиските извештаи почнува да тече од верификација на мандатите на партијата, а истекува за 30 дена од тогаш. Тој изрази очекување дека во предвидениот рок партиите ќе ги достават извештаите, во спротивно против нив ќе се поднесе прекршочна постапка.
30.06.2008
Плејмејкерот на Колумбус Кру, Гиљермо Барос Скелото е прогласен за најкорисен фудбалер на основниот дел на американската професионална фудбалска лига.
