Се самоуби Руслана Коршунова

Казахстанката, позната по насловните страници на многу магазини, меѓу кои и Вог, вчера падна од својот стан, на деветтиот кат на една зграда на Менхетн. Најверојатно станува збор за самоубиство, а полицијата се‘ уште го истражува случајот.

20-годишната манекенка Руслана Коршунова почина вчера околу 14 часот, откако паднала од зградата во Вотер Стрит во финансискиот кварт на Менхетен, објавија американските медиуми.


Тие цитираа неименувани полициски извори кои наведуваат дека во станот немало знаци на борба, па се претпоставува дека станува збор за самоубиство.


Засега не е познато ни дали во станот била пронајдена проштална порака. Истрагата е се уште во тек.
Нејзината агенција ИМГ не сакаше да ја коментира трагичната смрт на својата манекенка.


„Беше многу мила личност, секогаш се смееше. Никогаш ја немам видено разочарана“, рече Махмуд Накеб, портирот на зградата во која живеела Руслана. Тој додаде и дека во станот се вратила видно расположена околу 5 часот утрото.


Руслана има настапувано на ревиите на познати дизајнери, меѓу кои Марк Џејкобс, Нина Ричи и други. Британскиот Вог во 2005 година ја прогласи за „лице што возбудува“.