Нова жртва на педофил во струмичко

Неполни 24 часа по обелоденувањето на ужасната драма на блудничење врз малолетници во штипско, нова жртва на педофил во струмичко.

Во напуштена куќа во струмичкото село Банско 53-годишниот Зекерија Сулејманов повеќе пати блудничел врз 14 годишна малолетничка. За монструозниот чин и давал по 100 денари.

Работата излегла на виделина откако сиромашните родителите се посомневале од каде и се парите на нивната ќерка.

Селаните шокирани од гнасниот настан со остри тонови на осуда. Иако втор ден како педофилот од Банско е во бегство, соселаните знаат каде се крие, за кого велатдека е во близината на селото.

Инаку, соселанецот е повратник од издржување затворска казна за обљуба на немоќно лице штитеник на Завдот за лица со хендикеп Банско и постаро лице.

Последните случаи на педофилија ги открија слабостите во државниот систем кон лицата кои огрешувајќи се пред законот и издржувајќи ја казната, го повторуваат делото.

За психолозите законската регулатива е недоречена, резултирајќи со недоволен надзор на истите по нивното излегување од затвор.

Од казнено поправните установи велат дека проблемот со тотална ресоцијализација на овие лица не е само нивна надлежност.

Психолозите и социјалните работници единствени во оценката. Душевното растројство кои педофилите со задоволување на ниските сексуални страсти им ги нанесуваат врз нивните жртви, децата, е трајна.

Штипскиот монструм од синоќа е во 30 дневен притвор. Досието за страотната и потресна драма за двајцата малолетници жртви на педофилот од Шашаварлија се комплетира, велат од штипското основно јавно обвинителство.