Премногу мајонез, премалку кашкавал, дебело пресечени краставички, предебели парчиња леб... заборавете на тоа. Британските научници смислија математичка формула за да го пресметате вистинскиот сооднос на состојките.
Повеќето од нас обично се задоволуваат со малку салама и кашкавал измеѓу две парчиња леб, но сендвичот може и треба да биде вистинско гастрономско уживање. А, за секој кој не е стручњак да може да си подготви едно вакво задоволство се погрижија научниците кои смислија математичка формула за совршен ладен сендвич.
Научниците од Универзитетот во Бристол претставија формула која сугерира во кој сооднос треба да бидат дебелината на лебот и кашкавалот во однос на количината мајонез и краставички.
Во формулата се внесени дури девет фактори, а калкулаторот кој би требало да ви ја олесни работата се наоѓа на
www.cheddarometer.com.
Групата предводена од
Џеф Нјут при својата истражувачка работа имаа напомош волонтери и комплексни мерни инструменти, па за да ја откријат совршената дебелина на популарното чедар сирење (еквивалентно на нашиот кашкавал), тестираа стотина примероци.
Магичната формула е:
W = дебелина на кашкавалот во милиметри
B = дебелина на лебот
D = зачин за тестото
S = дебелина на маргаринот или путерот
M = дебелина на мајонезот
C = зачин за кремовите
V = дебелина на доматите
P = должина на киселите краставички
T = зачин за зеленчуците
I = дебелина на зелената салата
И на крајот ако не ве мрзи пресметајте си, а бидејќи знаеме дека нема, баталете го текстов и направете си некој ’по ваше’ или нарачајте си од омилената сендвичара.
24.06.2008
Плејмејкерот на Колумбус Кру, Гиљермо Барос Скелото е прогласен за најкорисен фудбалер на основниот дел на американската професионална фудбалска лига.
