Најголемиот преварант во поп музиката четврт век ќе помине в затвор. Се работи за типот кој ги промовираше Бекстрит Бојс, Н`Синк, Тејк Фајф, Џордан Најт, и уште многу други.
Луис Џеј Перлман, менаџерот на најпознатите бој бендови доби 25 години затворска казна поради измама и перење пари.
Биг Поп, како што го викаат проневерил над 300 милиони долари.
Откако 53-годишниот менаџер беше осуден на четврт век затвор, неговиот адвокат се реши да поднесе жалба затоа што „казната била иста како и смртна“. Сепак, жалбата е одбиена.
Лу заработи огромни пари промовирајќи ги Backstreet Boys, 'N Sync, O-Town, групата Take 5, Џордан Најт и Арон Картер, помладиот брат на пејачот од Бекстрит Бојс, Ник Картер.
Сите овие бендови Перлман успеа да ги измами, бидејќи не постои стандарден договор во кој стои колкав процент добива менаџерот од продажбата на албуми. Обично бројката е околу 25%, плус можни 15 ако работи и како агент.
Музичарите обично доиваат од 8 до 10%, додека заработувачката од турнеите се дели и со промоторите. Кога се ќе се собере Перлман заработувал многу повеќе од било кој член од овие популарни групи.
Врвот на кариерата му беше кога со Бекстрит Бојс продаде преку сто милиони албуми и со Н`Синк преку 56. Со оглед на тоа што во тоа време беа хит бој бендовите, тогашниот успех Лу никогаш не го повтори.
Поради тоа, неговиот комфорт почна да опаѓа, па почна да се занимава со претприемништво, кое очигледно не го работел легално. Смислил план според кој угледни американски банки инвестирале во две негови фиктивни фирми кои постоеле само на хартија.
Со оглед на тоа што е познат менаџер, банките сметале дека не е потребно специјално да го проверуваат Лу и неговите идеи. Нивната претпоставнка на крајот ги чинеше над 300 милиони долари.
22.05.2008
Плејмејкерот на Колумбус Кру, Гиљермо Барос Скелото е прогласен за најкорисен фудбалер на основниот дел на американската професионална фудбалска лига.
