Тајните британски документи за НЛО веќе не се толку тајни. Всушност, сега се достапни за јавноста. А, што се крие во нив, наскоро ќе дознаеме. Иако оние што ги читале, велат дека нема ништо посебно.
Тајните досиеја за неидентификуваните летечки објекти над Велика Британија конечно се отворени за јавноста, предизвикувајќи голем интерес како кај скептиците така и кај оние кои длабоко веруваат во НЛО.
Националната архива во Кју, недалеку од Лондон, во согласност со законот, ги чува доверливите документи последниве 30 години. Министерството за одбрана во Лондон ги објави архивите, меѓутоа постави услов да не се истражува можноста за посета на вонземјани на Земјата.
Главниот интерес на министерството е да се провери дали „НЛО се всушност шпиунски летала на други земји“.
„Министерството за одбрана не порекнува дека на небото има необични работи. Но се уште нема цврсти докази дека некое вонземјанско летало слетало на оваа планета", стои во соопштението од министерството.
Во следните четири години ќе се обелоденат 150 досиеја за забележани НЛО над Велика Британија, но како што тврдат од министерството, оние кои се надеваат за цврсти докази за постоење на „мали зелени суштества“ ќе бидат разочарани.
14.05.2008
Плејмејкерот на Колумбус Кру, Гиљермо Барос Скелото е прогласен за најкорисен фудбалер на основниот дел на американската професионална фудбалска лига.
