Поискусните и поинформирани веќе знаат кои благодети ги носи сексот ако се практицира два пати неделно, а за оние кои одвај чекаат да дознаат за што се` сексот е полезен, еве што велат, кои ако не – научниците!
Секој пат кога водите љубов се ослободува серотонин – хормонот на задоволство, што воедно го подобрува и менталното здравје, а исто така се стимулира и лачењето на ендорфинот кој предизвикува чувство на пријатност и смиреност.
Сексот ги топи калориите. Во половина час акција в кревет, може да бидат согорени околу 200 калории.
Водењето љубов е неверојатен лек против стрес и лошо расположение. По оргазмот телото ослободува хормон кој делува како природен лек против тегоби, а тогаш и сите мускули се опуштаат.
Едно истражување покажа дека сексот го намалува ризикот од рак на простатата. Што почесто мажите ејакулираат, толку повеќе се исфрла карциноген од простатата.
Со редовен секс се засилува крвотокот на целиот организам. Кога ќе се возбудиме се зголемува протокот на крвта во мозокот.
Сексот за 50% го намалува ризикот на смрт од срцев удар. Во текот на сексуалните активности се зголемува нивото на тестостерон, а овој хормон помага во заштита на срцето од стрес и штити против остеопороза.
3.05.2008
