Новите истражувања покажаа дека високообразованите жени, за разлика од врежаното мислење, почесто стапуваат во брак од послабо образованите. Причината? Хмммм....
Истражување на австралиските научници покажало дека високообразованите жени почесто се мажат од жените со пониско образование.
Врз основа на анализата на податоци од 2006 година, експертите од Универзитетот Монаш, заклучиле дека врежаните ставови за самостојните образувани жени „веќе не држат вода“.
„Се случува нешто ново, особено меѓу жените“, изјави
Женев Хард од Центарот за популација и урбани истражувања.
„Долго време се веруваше дека образованите жени се помалку традиционални и финансиски независни, па затоа помалку сакаат или имаат потреба од брак. Овие претпоставки порано ги потврдуваа и статистичките податоци. Меѓутоа, според податоци од 2006 година, овој пример се промени“, изјави Хард за Australian Broadcasting Corporation.
Според статистичките податоци, во 1996 година во Австралија, во брак биле 64 отсто од жените со високо образование. Истовремено, 65 посто од понеобразуваните жени се решиле на брак. Резултатите од 2006 година, пак, покажуваат дека на тоа поле дошло до значајни промени, така што тој однос изнесува 61 спрема 53 отсто во корист на високообразованите.
„Се` повеќе Австралијци со поголем финансиски потенцијал стапуваат во брак“, објасни Хард во својот извештај. Истражувањето исто така потврди дека процентот на бракови паѓа.
10.04.2008
