Почина Бен Хур

Америка тагува. Легендарниот холивудски актер Чарлтон Хестон почина во 84 година од животот во својата куќа на Беверли Хилс. Хестон во 1959 освои Оскар за улогата на Бен Хур во истоимениот спектакл. Видео!

Во моментот кога починал, покрај Чарлтон Хестон била неговата сопруга Лидија, изјави портпаролот на семејството Бил Пауерс, кој не сакаше да ја открие причината ниту пак детали за смртта на славниот актер.


Хестон во 1959г доби Оскар. за ролјата во епската драма „Бен Хур”, во кој лично ги изведуваше некои од најопасните сцени.


Интерпретираше и други историски ликови, како Мојсеј во популарниот филм „Десетте Божји заповеди”, потоа Микеланџело, Ел Сид, а играше и во „Планетата на мајмуните”, неколку екранизации на делата Шекспир и режираше едно од нив – „Антониј и Клеопатра”.

Со годините стануваше се поконзервативен и ги поддржуваше политичките кампањи на десните кандидати, а најконтроверзна беше неговата улога како претседател на исклучително влијателното Национално здружение за оружје, кога се залагаше за правото на Американците да бидат наоружани.

Во 2002 година беше откриено дека славниот глумец боледува од Алцхајмерова болест.


Претседателот Џорџ Буш го одликуваше Хестон во 2003 година со Претседателскиот медал на слободата, највисокото државно цивилно одликување.