Најдобриот фудбалер во светот Кристијано Роналдо за Marca изјави дека вреди за секое пени од 80-те милиони фунти кои Реал Мадрид ги даде за него.

„Мислам дека тоа беше фер договор. Ако Манчестер и Реал се сложиле за оваа сума тогаш јас не знам што повеќе да кажам. Големите играчи вредат многу пари и ако некој ги сака, треба да плати за нив. Јас сум среќен што сум најскапиот фудбалер во светот.“

„Ако Реал ја платил оваа сума, тоа е бидејќи ме сакале и ова за нив била фер цена.“

„Јас ќе се обидам на секој натпревар да одиграм најдобро што можам и да докажам дека сите тие пари не биле залудно фрлени.“

„Знам дека ќе се бара доста од мене и знам дека ќе се врши многу повеќе притисок на мене, отколку во Манчестер Јунајтед, но ова е еден нов предизвик за мене и тоа ќе ми помогне да бидам најдобриот фудбалер во светот.

Шпанија е сосема друга лига, други играчи, друг клуб и тоа ќе ме мотивира да работам уште повеќе и да продолжам да освојувам трофеи.“ - изјави Роналдо.

---

Извор: Sportski.mk