Иако се шпекулираше дека Овен ќе заврши во некој послаб тим, откако му заврши договорот со Њукасал, тој сепак заврши во англискиот шампион.

Мајкл Овен потпиша за тимот на Манчестер Јунајтед, по два дена преговарања. Тој потпиша две годишен договор, а со неговото појавување на тренинг денес тој ги шокираше сите британски медиуми.

Црвените Ѓаволи се задоволни од овој трансфер, а очигледно и напаѓачот кој остана без клуб откако му заврши договорот со Њукасал, изјавувајќи „Јас веќе имав започнато преговори со некои други тимови, кога во средата наутро ми се јави Алекс Фергусон и ме повика на појадок, кажувајќи ми дека сака да ме ангажира во Манчестер, уште при разговорот знаев дека ќе прифатам.“ рече напаѓачот.

„Ова е одлична шанса за мене и ќе се обидам да ја искористам најдобро што можам.“

„Едвај чекам да почнам да играм за Манчестер, се надевам дека лесно ќе се прилагодам бидејќи веќе знам многу играчи од тука. Минатата сезона немав пред сезонски спремања, па сега ќе ги искористам за да се спремам за следната сезона.“

„Сакам да му се заблагодарам на сер Алекс Фергусон за довербата која ми ја пружи и ќе му се оддолжам со мојата игра.“

Алекс Фергусон исто така беше задоволен од овој трансфер, бидејќи веќе почнува да го средува напаѓачкиот ред, по заминувањето на Крисијано Роналдо и Карлос Тевез, изјавувајќи „Мајкл отсекогаш бил напаѓач од прва класа и се надевам дека ќе се снајде на Олд Трафорд.“

„Доаѓањето во Манчестер, значи многу за кариерата на Овен и со неговото искуство се надевам дека ќе придонесе за тимот.“

Сега во Манчестер, Овен ќе се обиде да му се наметне на Капело како можен избор за Светското Првенство.

Наум Баварец/Таратур

3.07.2009