Поранешната и сегашната избраничка на Бред Пит се најплатените актерки на светот, според годишната листа на Форбс. Анџелина Џоли заработи неверојатни 27 милиони долари, додека Џенифер Анистон 25.

Веројатно избраничките на Пит заработуваат баснословни суми благодарение на филмовите кои конкурираат за сериозни награди и акциони блокбастери како на пример 'Господин и госпоѓа Смит'.

Овој филм заработи 480 милиони долари, а Џоли на снимањето се задружи со Бред Пит, кој поради неа ја остави тогашната сопруга Џенифер Анистон.

Токму овие две се најплатените актерки според Форбс, Анџелина Џоли за една година заработила 27 милиони долари, а Анистон 25. Веднаш зад нив е Мерил Стрип со заработувачка од 24 милиони долари, најмногу благодарение на филмскиот хит 'Mamma Mia'.

На четвртото место е Сара Џесика Паркер, која може да се пофали со добри 23 милиони долари, секако благодарение на Сексот и градот.

На петто место е Каменон Дијаз со 20 милиони, а шестото место го делат Сандра Булок и Рис Витерспун со 15 милиони долари.

Следуваат Никол Кидман и Дру Баримор со 12 милиони.