
По ексклузивната вест што само нашиот портал ја откри, дека Чак Норис ја спаси Анџелина Џоли, откриваме дека популарниот и најславниот актер и човек на светот можно е да е главната причина за оставката на Боцевски.
Таратур од многу извори ги собира можните причини за оставката на Боцевски и реши да ги сподели со македонската јавност. Еве што дознаваме:
1. Чак Норис од засега непознати причини му нареди на Боцевски да поднесе оставка. Се очекува една ТВ куќа ексклузивно да дознае кои биле причините.
2. Ивица Боцевски повеќе не сака да биде вицепремиер во светот во кој го нема Мајкл Џексон.

3. Боцевски е вонземјанин кој го фати носталгија за родната планета, па затоа ја напушта не само владата и ВМРО ДПМНЕ, туку и Македонија, а на крај и Земјата. Се очекува да ја внесе Македонија во тамошната Унија....
4. Боцевски со години работи како таен агент, платеник на Грција. Целта му беше да создаде илузија дека Македонија и се приближува на ЕУ.

5. Боцевски цело време работеше за Бранко и му беше негова марионета. На последниот состанок заборавил да му ја бакне раката, па овој се налутил и го натерал да си поднесе оставка.
6. На последното патување во САД, Боцевски бил толку импресиониран од тамошниот живот што посакал да стане Државен секретар на САД. Целта ќе му биде да ги внесе САД во ЕУ!
7. Боцевски одржувал тајни средби со грчки службеници со недефинирана сексуална ориентација. За тоа биле љубоморни сите наши политичари и од власта и од опозицијата, а особено од невладиниот сектор.
8. Пред еден месец на средба се запиле Боцевски, Груевски и Фуере. Се опкладиле, кој прв ќе сe опијани да поднесе оставка. Немало мезе, па.....
9. Боцевски побарал негова статуа пред Влада или на плоштад. Груевски го одбил бидејќи било скапо за изработка.
10. Боцевски бил на јахтата со Анџелина Џоли. За жал, Чак Норис не сакаше да го спаси и него.
11.... Дополнете на нашиот форум. Најинтересните предлози ќе ги вметнеме на оваа листа!

3.07.2009

































