Заводничката на фудбалери се пресели од теренот на клупа. Нејзината нова жртва наводно е тренерот на Интер, чиј 20-годишен брак се распадна. Обвинителниот прст е насочен кон прекрасната Елизабета Каналис.

Минатата недела ја пренесовме веста од португалскиот весник Корејо да Мања според која Жозе Мурињо по 20 години брак се разведува од сопругата Матилда.


Според весникот, меѓу тренерот на Интер и неговата сопруга веќе подолго време се заладени односите, проследени со чести кавги, а последниве месеци Мурињо секаде се појавува без својата сопруга.


Португалецот е виден сам кај што купува во миланските дуќани, а без придружба на сопругата беше и на лисабонскиот Технички факултет каде прими големо лично признание – почесен докторат.


Ако им се верува на шпекулациите, главната причина која доведе до распад на бракот е неверството на тренерот. Уште во Англија неколкупати беше обвинет за вонбрачни излети, а наводно капката ја прели афера со мистериозна Италијанка.


Дотичниот весник Корејо да Мања тврди дека фамозната Италијанка е никој друг, туку Елизабета Каналис! Атрактивната ТВ презентерка и хостеса, една од најсексипилните жени во Италија, позната по својата љубов кон фудбалерите.

Откако последниве години беше во романтична врска со Дидие Дрогба, напаѓачот на Парма Реџиналдо, а најмногу со Кристијан Виери, се пресели од теренот на клупата. И наводно го заведе успешниот тренер, спрема кој има нескриени симпатии.


Имено, пред извесно време дека би се вратила на старата работа (водителка во фудбалско-естрадната емисија) само за да направи интервју со Мурињо.