Британски психолог, советник во една компанија ги наговори вработените да работат голи, за да бидат поефективни. Работата процвета после тоа!

Психологот Дејвид Тејлор дојде до необична идеја како вработените да го подигнат нивото на тимска работа, така што еднаш неделно ќе ги извршуваат своите обврски потполно голи.

Зачудени, вработените сепак ја прифатија идеја за ’гол петок’, а дури и се уверени дека тоа им ја подобрило работата. ’Гол петок’ е поекстремна варијанта од ’опуштен петок’ (casual Friday) кога на работа можете да одите во тренерки, патики или бермуди.

Дејвид дојде да и помогне на маркетинг агенцијата од Њукасл која почна да пропаѓа. На самиот почеток од финансиската криза, мораа да отпуштат шест луѓе. Сепак, чудниот психолог сметаше дека ако вработените се соблечат, ќе се ослободат од неугодноста и ќе разговараат поотворено и поискрено.

„Голата организација е најекстремната техника која некогаш сум ја употребил. Можеби делува лудо, но сепак функционира“, изјави тој.


Иако на почетокот се противеле на оваа идеја, сепак подоцна ја прифатиле, освен еден маж и две жени кои останале облечени. Шефицата Сем Џексон (23) е единствената девојка која целосно се соблекла.


„Ова е супер! Веќе нема бариери помеѓу нас“, вели таа (на сликата).

Пред ’голиот петок’ секој вработен добивал по неколку задачи. Прво да копира дел од своето тело. Додека колегите се одлучиле за своите раце или нозе, Сем ги копирала своите гради.

Потоа, морале да скицираат гол модел и да разговараат на таа тема. Откако станале сигурни дека го сакаат тоа, решиле да се соблечат голи.

„Или сме храбри или луди. Ако не сакаа, не мораа да се слечат“, рече директорот Мајк Овен и додаде дека компанијата сега многу подобро работи.

Целиот експеримент е снимен и ќе се прикаже како ТВ шоу Naked Office премиерно на 9 јули на Virgin1 каналот.