Минатиот викенд во Лисабон, под оправдание дека ја штити мајка му, Кристијано Роналдо искрши автомобил на папарацо кој го следеше и повреди 17-годишна девојка која седеше во автомобилот.

По инцидентот, Роналдо изјави дека тој и неговата мајка Долорес имале намера да поминат неколку мирни дена во Лисабон.

„Папарацото ме прогонуваше од хотелот Риц додека се возев со мајка ми. Не снимаше цело време. Потерата многу ја вознемири мајка ми и едноставно морав да застанам и да го уверам човекот да прекине да не малтретира“, изјави Роналдо за потребите на интернет страната на маркетинг агенцијата што го претставува.


Роналдо го ’увери’ папарацото да прекине да ги следи, така што му го скрши страничното стакло на автомобилот, при што полесно ја повреди 17-годишната девојка која седеше во автомобилот. Таа го пријави инцидентот в полиција.

Оттаму засега одбиваат да го коментираат инцидентот.