Македонија направи огромен скок од 11 позиции на ФИФА ранг-листата и сега сме на 53-то место.

Нерешениот резултат со Норвешка и победата од 2-0 со Исланд направи нашата репрезентација да го има вториот најголем скок меѓу европските репрезентации за месецот јуни. Црногорците имаат напредок од 12 позиции.

На листата за изминатиот месец имаше доста промени. Бразил кој го освои Купот на Конфедерации после август 2007-та повторно се најде на врвот и најпосле ја симна Шпанија. Шпанците сега се втори. Холандија падна на 3-то место. Италија остана 4-та и покрај лошиот пласман на Купот на Конфедерации. Германија 5-та.

Најголем скок направи Брегот на Слонова Коска кој сега се наоѓа на 18-та позиција што преставува скок од 20 места.

Турците имаа голем пад од 19 позиции и сега се на 28-то место.

---

Извор: Sportski.mk