Европскиот трговец со дрога, наречен ’министер за надворешни работи на Мафијата’, денеска од Венецуела беше екстрадиран во Италија, која го бара од 2001 година.
63-годишниот Салваторе Мичели, осомничен за шверц на кокаин, хероин и други видови на дрога, во почетокот на јуни беше уапсен во Каракас, Венецуела, а денеска испорачан за Италија.
Се уште не се знае колку време се криеше во Венецуела каде е најден благодарение на соработката помеѓу венецуелската и италијанската полиција.
Италијанската полиција соопшти дека тој бил посредникот помеѓу италијанските и јужноамериканските банди.
Внукот на сицилијански мафијаш, осуден е поради низа киднапирања, организирани заради финансирање на шверц со дрога. Обвинет беше на почетокот на 90-те, се бранеше од слобода, а исчезна по изрекувањето на пресудата во 2001 година.
’Министерот за надворешни работи’ на италијанската полиција и е познат и по успешното посредување за воспоставување на соработка помеѓу ривалите на сицилијанската ’Коза Ностра’ и калабриската ’Н'Драгате’.
1.07.2009
