Тимот на Барселона почна да презема чекори со кои би го задржала нивниот напаѓач во своите редови по интересот на Манчестер Сити.

Според Sky Sports, европскиот шампион Барселона му понудила нов двегодишен договор на камерунскиот напаѓач, Самуел Ето по интересот на другите тимови за него.

28-годишниот напаѓач се поврзуваше со трансфер во премиерлигашот Манчестер Сити ова лето, а се зборуваше за понуда вредна дури 29.3 милиони евра, или 25 милиони фунти.

Шпекулациите велеа дека тренерот на Барса, Пеп Гвардиола сака да го продаде Ето уште ова лето, иако неговиот договор истекува следната сезона.

Сепак, агентот на играчот, Хозе Мариа Месалес вели дека нема индикации дека Гвардиола сака да го ослободи Ето и кажа дека Камерунецот ќе игра, се додека го сакаат во тимот.

„Играчот сака да остане и да си го заврши договорот,“ изјави Месалес.

„Доколку од Барса не го сакаат тоа, нека кажат па ние ќе размислуваме за иднината.“ продолжи тој.

„Клубот рече дека тој не му бил потребен на Гвардиола, но Пеп му нема ништо кажано на играчот.“

„А доколку Барса има понуда од Манчестер Сити и се согласат на продажба, ние можеме многу побрзо да се договориме,“ заврши Месалес.

Но, најсвежите новости велат дека Барселона сепак нема да се реши од Ето, туку тој ќе потпише нов двегодишен договор.


Наум Баварец/Таратур