Џефри Џордан, 20-годишниот син на најдобриот кошаркар на сите времиња одлучи да прекине да оди по стапките на неговиот татко и објави дека ја прекинува својата професионална кошаркарска кариера.

На рана возраст од својот живот Џефри одлучи да оди по стапките на неговиот славен татко, па на универзитетот Илиноис успешно се занимаваше со кошарката.

Се зборуваше дека 185 сантиметри високиот Џефри е талентиран, но во средата сепак јавно соопшти дека ја прекинува својата кошаркарска кариера.


Не наведе дали притисокот од татко му Мајкл бил преголем или едноставно сфатил дека не е доволно добар во таа работа.

„Сакам да се посветам на студиите и на животот надвор од кошарката“, кратко објасни Џефри кој засега заврши две години од студиите по психологија.

Но, стапките на својот татко и понатаму ги следи помладиот син, 18-годишниот Маркус Џордан. Тој е висок 191 сантиметри и како што пишуваат американските медиуми ’лета како татко му’.