Запомнете го името на Мадс Стокелен. 19-годишниот напаѓач одигра само 421 минута во елитната норвешка лига и веќе постигна пет голови. Последниот беше посебно атрактивен.

Често сакаме да се нарекуваме фудбалска нација со многу таленти, но факт е дека во последно време се почесто на вакви видеа и вести налетуваме од далеку понефудбалски земји од нашата.

Со Норвешка одигравме 0:0 во Скопје, а не очекува реванш кој може да биде пресуден за нашиот пласман во Јужна Африка.

А, дека Норвежаните не се обични скијачи ќе ни докаже една од идните ѕвезди на норвешкиот фудбал 19-годишниот Мадс Стокелен кој заблеска на овогодинешното првенство во скандинавската земја кое започнува напролет. Од своето деби за ИК Старт нанижа пет голови во осум натпревари.

За само 421 минута младиот Норвежанец стана главна вест во националната лига, а својот метеорски подем го зачини во последното коло кога во мечот против Сандефјорд постигна атрактивен гол со ножички.



Еве ги досегашните негови голови во дресот на Старт: