Европската фудбалска федерација го објави официјалниот извештај за приходите од минатата година за натпреварите од Лигата на шампионите. Најмногу заработи континенталниот вицешампион, Манчестер Јунајтед.

На основа на правилникот во кој главни критериуми беа резултатите и маркетиншката вредност на екипата, УЕФА додели вкупно 581 милион евра, од кои англискиот првак заработи дури 37.7 милиони.

На второ место со 34.5 милиони е Баерн Минхен, додека актуелниот европски шампион Барселона е на третото место со 30.9 милиони.

Најмалку од сите клубови кои се појавија во ЛШ заработи белорускиот БАТЕ Борисов - 6.3 милиони евра.

Пласманот во Лигата на шампионите вредеше три милиони, а клубовите добиваа и по 400.000 за секој одигран натпревар. Победата носеше 600.000 евра, а ремито 300.000 евра.

Пласманот во осминафиналето беше награден со 2.2 милиони евра, а во четвртфиналето со 2.5 милиони. Најдобрите четири тима беа побогати за три милиони евра, финалистите добија четири, а победникот (Барселона) доби дополнителни три милиони евра.

УЕФА обезбеди пари и за тимовите кои се натпреваруваа во квалификациите за ЛШ, па така учеството во првото и второто претколо вредеше по 100.000 евра, додека за третата рунда се добива по уште 160.000 евра.

Повеќе приходи во рамките на Купот на УЕФА каде беа доделени 37,5 милиони евра доби Вердер Бремен. Германците за нивниот настап добија 7 милиони, а зад нив следуваат „граѓаните“ од Манчестер со 5,3 милиони. Хамбург е втората германска екипа која се наоѓа меѓу петте кои освоиле најмногу во Купот.


Заработувачка на тимовите во ЛШ 2008/2009:
Манчестер Јунајтед (Англија) - 37,7 милиона евра
Баерн Минхен (Германија) - 34,5
Барселона (Шпанија) - 30,9
Челзи (Англија) - 30,4
Интер (Италија) - 28,2
Арсенал (Англија) - 26,4
Рома (Италија) - 26
ПСВ Ајндховен (Холандија) - 25,5
Лион (Франција) - 23,6
Ливерпул (Англија) - 22,9
Вердер (Германија) - 22,2
Јувентус (Италија) - 22,1
Виљареал (Шпанија) - 21,6
Реал Мадрид (Шпанија) - 20,2
Панатинаикос (Грција) - 18,5
Бордо (Франција) - 17,3
Фиорентина (Италија) - 16,8
Атлетико Мадрид (Шпанија) - 16,3
Порто (Португалија) - 14,4
Олимпик Марсеј (Франција) - 14,3
Фенербахче (Турција) - 14,2
Селтик (Шкотска) - 12,6
Алборг (Данска) - 12,2
Спортинг (Португалија) - 11,6
Базел (Швајцарија) - 8,46
Зенит (Русија) - 8,13
Шахтјор (Украина) - 7,74
Динамо Киев (Украина) - 7,68
Клуж (Ромунија) - 7,6
Анортозис (Кипар) - 7,55
Стеауа (Ромунија) - 6,88
Бате Борисов (Белорусија) - 6,34