Наскоро ќе се објави филмот за Македонија под наслов „Име си е име“ (A name is a name) на уметниците Сигурјон Еинрасон (Sigurjon Einarsson) и Мортен Харкет (Morten Harket).

Филмот за нацијата која е во заложништво поради своето име, според авторите веројатно нема да ја промени позицијата на Грција, но ќе има позитивно влијание на политичарите, што донесуваат одлуки ширум светот.

Авторите се надеваат дека филмот ќе ја запознае пошироката публика со оваа неправда.

Филмот е во режија на Сигурјон Еинрасон, музиката ја напиша Мортен Харкет, познат како фронтмен на норвешката група А-ха, а продуцент е Џејсон Мико.

Авторите најавија дека наскоро на официјалната интернет страница на филмот ќе биде објавен трејлер, како и повеќе информации.