Американската армија разви специјална пушка за гаѓање на непријател кој се крие зад засолниште. Пушката има радио контролирани паметни куршуми кои можат да го погодат непријателот каде и да се крие.

Паметната пушка XM25 има куршуми кои експлодираат откако поминале однапред одредена оддалеченост и го засипуваат непријателот со шрапнели. Ќе се користи особено за уништување на снајперисти, а опремена е со ласерски мерач на далечина кој ја пронаоѓа точната оддалеченост до целта.

По потреба, оваа оддалеченост може рачно да се зголеми или намали, за куршумот да експлодира на саканата локација над или покрај метата.

Калибарот на пушката е 25мм, а опремена е со чип кој прима информации од ласерот и ја пресметува оддалеченоста.

Менаџерот на проектот, Даглас Тамилио, објасни дека оружјето ќе ја намали потребата од воена поддршка.

„Можете да испалите проектил Џавелин кои ќе ве чинат 70.000 долари. Овие куршуми чинат 25 долари по парче. Релативно се евтини“, објасни Тамилио.

Пушката во почетокот ќе користи куршуми со големи, разорни количини експлозив, меѓутоа со време и по потреба може да влезе и послабо оружје за заплашување.

Американската војска пушката XM25 ќе почне да ја користи до 2012 година.