Германските научници со помош на генетски анализи изнесоа интересни сознанија за припитомувањето на дивите животни.

Имено, древните луѓе генетски модифицирале диви коњи, со цел да ги припитомат, што потоа водело кон создавањето на домашни животни, кои пак помогнале за ширење на човековата цивилизација на одредени делови од Земјата, тврдат научниците.

Досега не беше познато дали коњите отсекогаш биле питоми животни или луѓето интервенирале во нивниот ген преку селективно одгледување, како што тоа го правеле со волците и дивите мачки, од кои настанале денешните кучиња и мачки.

Благодарение на генетските анализи на мутацијата на коњските влакна, научниците недвосмислено докажаа дека луѓето во камено време ловеле диви коњи и селективно ги одгледувале со цел да ги направат попаметни, попитоми и послушни. Со ова коњите станале составен дел од животот на човекот.

Луѓето во освојувањето на светот тргнале од Африка пред околу 40.000 години и ги населиле плодните долини Тигар и Еуфрат, познати како „лулки на човештвото“. По последното ледено доба, тие се прошириле северно од Кавказ. Оттука тие почнале да ги населуваат сите делови на Европа и Азија, а потоа Америка и Австралија.