Се прашувавте од каде толкава агресивност кај некои новинари, квазиексперти, политичари и тн. во деновите кога се переше мозокот на народот дека промената на името нема да биде толку кобна и дека мора да направиме се` за да влеземе во ЕУ? Е, па одговорот е 2.4 милијарди евра!
Европската Унија троши 2.4 милијарди евра годишно за саморекламирање. Најголем дел од пропагандната машинерија на ЕУ опфаќаат промотивните материјали, а добар дел се трошат и за новинарите за пропаганда преку медиумите.
Нејзиниот буџет од речиси две и пол милијарди евра за оваа намена е поголем дури и од годишниот рекламен буџет на компанијата Кока Кола, покажа истражувањето на невладината организација ’Отворена Европа’.
ЕУ ги користи новинарите за пропаганда преку медиумите, со тоа што ги наградува со разни обуки и награди. Унијата дава големи пари на невладини организации, научни и лоби групи.
Сто милиони евра се потрошени за финансирање на политиката за популаризирање на заедничката европска култура особено меѓу младите деца, а милијарда евра троши за популаризирање на европската интеграција.
’Еурокремски’ новинар
После оваа информација како да станува појасно од каде толкава жестокост, од каде толку организирани ТВ дебати, агресивни колумни, острилки и сл. на сите еурокремски новинари и квазиексперти кои не убедуваа дека ако не попуштиме во спорот што Поранешната отоманска провинција го има со нас – ќе не снема!
„Даночните обврзници не треба да ја плаќаат сметката на бесполезен пи-ар и маркетинг чија цел е да не нетера да ја засакаме Европската Унија. Ова е бесполезно трошење на пари за сомнителни и глупави проекти. Наместо да се трошат за пропаганда лидерите на ЕУ треба да утврдат што не е во ред со целиот концепт. Во Велика Британија популарноста на ЕУ е најниска во последните 25 години и Европската комисија не прави ништо сериозно во врска со тоа. Унијата под итно да се зафати со радикална реформа. Во спротивно, нејзината популарност ќе паѓа и понатаму“, смета директорот на отворена Европа,
Лорен Милали.
Парите го вртат светот...
Интересно е дека токму тие новинари и квазиексперти се најгласни во критикувањето и на оваа влада, која очигледно по примерот на ЕУ троши баснословни суми за себерекламирање.
Но, тоа не ги спречува најверојатно да бидат на листата на која ќе мора да одработат, да ги изгазат македонските национални чувства, затоа што една нацистичка земја која врши секојдневен терор врз Македонците кои се спротиставуваат на таквата политика, или врши тивка асимилација на другите, е заштитена мечка во дворот на Унијата.
29.12.2008
Плејмејкерот на норвешки Мосс здодевниот дуел со Хам-Кам го претвори во средба која ќе се памти по неговиот прекрасен автогол. Несреќниот Овребо стана херој во Скандинавија.
