Во најновата студија за омилениот пијалок - кафето, докажано е дека кофеинот побргу влијае врз мажите отколку на жените.

Во испитувањето учествувале 668 волонтери, при што било докажано дека кафето врз мажите делува веќе по десет минути, додека на жените им треба малку повеќе време за кофеинот да постигне ист ефект.

На универзитетот во Барселона исто така откриено е дека ист ефект врз мажите имало и кафето со многу ниско учество на кофеин, што може да се објасни само на психолошко ниво, тврдат лекарите.

Според истражувањето, доволни се 45 минути за кофеинот да ја достигне максималната концентрација во организмот, но често почнува да делува веќе по 10-15 минути од земањето, што посебно е забележително кај припадниците на машкиот пол.

Индустријата за кафе, од кое се прави пијалокот без кој многумина не можат да го започнат денот, заработува околу 55 милијарди евра годишно и според профитот се наоѓа на второто место, веднаш по нафтената индустрија.

Постојат преку 25 милиони семејни плантажи во преку 80 земји ширум светот, а се проценува дека дневно во светот се пијат над две милијарди филџани кафе.