Откако пишувавме за грчката безобзирна пропаганда, во македонскиот медиумски простор успеавме да го насочиме вниманието кон страшните пропаганди кои ни се случуваат на наше тло, но сепак сметаме дека некои работи останаа неразјаснети!

Весникот Нова Македонија на најкоректен начин го пренесе целиот случај, секако дополнително придонесувајќи кон откривање и сузбивање на сите платени пропагатори кои имаат за цел да роварат по македонското национално ткиво.

Им се заблагодаруваме на соработката и на тоа што навистина беа екстра коректни, без вообичаената доза на потценување која обично ја имаат етаблираните медиуми кон интернет медиумите.

Веста ја пренесе и ТВ Сител на своите вести, иако не беше јасно дали сакаат да истакнат дека ние ги промовираме „маргиналните“ фаци кои вршат пропаганда, или не спомнаа од куриозитет.

Како и да е, штом не контактираа со нас, можеме само да си претпоставуваме.

Она што се полемизираше на интернет пространствата, вклучувајќи го и нашиот форум, а за кое сметаме дека треба да го истакнеме нашиот став е – дали да им се дава публицитет на наводно маргиналните фигури кои со сите сили се обидуваат да скренат внимание, притоа веројатно дебело наплатувајќи го тоа од странски служби.

Нашиот став, на Таратур како интернет медиум кој во своето тригодишно постоење важи за бастион на одбраната на македонските национални интереси, а кој своевремено беше и тема на обработка на бугарската национал-шовинистичка ВМРО-БНД е:

1. Нема наивна пропаганда. Македонија е роварена од странските пропаганди минимум 150 години, и сите тие пропаганди оставиле длабок печат кој воопшто не и одговара на македонската држава, односно на Македонците.

2. Со игнорирањето не постигнуваме ништо, туку напротив си даваме автогол.

- Игнориравме дека во февруари 2001 во Танушевци некои наивни селани садат компири. Потоа бевме приморани да го потпишеме т.н. Срамковен договор кој значи крај на унитарната Македонија. (Сепак ќе оставиме за ова некои да го живеат својот лажен сон, се додека келнерот не дојде да си ја наплати џезата).

- Ја игнориравме и игнорираме бугарската пропаганда. Последица – стотици илјади благонадежни Б`лгари со ЕУ паспорти.

- Игнорираме дека на Интернет (Википедија, ЈуТјуб, и сите релевантни сајтови) за Македонија се пишуваат страшни лаги. Прашање до премиерот: Си проверил да види на англиската Википедија што пишува за него? Не мора да ни одговори нам, чисто информативно....

- Игнориравме дека некои некогаш потпишале дека Св. Прохор Пчињски, македонскиот историски АСНОМСКИ манастир е во границите на Србија. Денес, како последица на тоа игнорирање не можеме да го чевствуваме вековниот празник Св. Илија....

И илјадници други игнорирања.... Уште колку треба да игнорираме????

За точен одговор следува награда!