Првиот труден маж Томас Бити, кој го шокираше светот со раѓањето на ќерката Сузан, во емисијата ’Good Morning America’ го претстави своето семејство и зборуваше за својата втора бременост.

Бити неодамна откри дека е труден десет недели со своето второ дете.

„Го живееме американскиот сон и не можеме да бидеме посреќни. Имам прекрасна жена и преубаво девојче“, рече Томас Бити.

Томас кој всушност беше жена лезбијка Трејси Лагондино, поради земање на тестостерони доби брада и ги изгуби градите, но му останаа репродуктивните органи.


„Сузан е многу среќно бебе, сака да се смее“, вели Томас, додавајќи дека ја родил по природен пат. Бидејќи тој беше првиот транссексуалец кој родил, стана светски популарен, па луѓето го препознаваат на улица.

„Изненаден сум бидејќи Њујорк е многу голем град. Но, луѓето ме препознаваат и велат: ’Тоа е трудниот маж’“, рече Томас, додавајќи дека 99 % од реакциите се позитивни.


„Луѓето кои ќе не сретнат гледаат дека сме нормално семејство, кое го сочинуват маж, жена и дете“, вели трансексуалецот.

Но, неговата состојба не ја прифати неговото семејство. Признава дека не разговарал со својот татко откако ја роди ќерката, но се надева дека еден ден ќе ги запознае. Сепак, семејството на неговата сопруга имало разбирање за нив. Ги поддржале и нејзиниот татко, браќата и сестрите и нивните деца.


На прашањето дали се уште е среќен што е маж, Томас одговори дека е апсолутно задоволен и да се биде труден маж не е ништо лошо.

„Со оглед на сите различности во светот, да се биде различен е нормално“, смета првиот труден маж. Ненси и Томас се возбудени и за второто бебе кое е на пат.